Anonymous: Pranam Swamiji mera prashn yah hai ki koi Manav Apne prashidhi ke liye kuch bhi galat Kam kare phir bhi use prashidhi milegi kya aur famous hone ke liye materialistic ka use kar rha hai to vah sahi hai.dusra Prashn yah hai ki mera child primary class me hai uska study me attention bahut Kam hai paste samay irritation show Karti hai please mujhe margdarshan dejiye. <br>
Swami Ram Swarup: Mera aapko hardik ashirwad beti. Jhooth pehle amrit ke samaan lagta hai, baad mein vish ho jaata hai. Vipreet mein satya pehle vish ke samaan lagta hai baad mein amrit lagta hai. Isliye jhooth ka sahara lekar prasiddhi sambhav hai. Parantu anta mein vinaashkaari hai. Bachchon ke maamle mein toh adhiktar prem ka vyavhaar hee safal hota hai isliye jitna bhi bachchey ko aap prem se samjhayengey, padai ke maamle mein prem ka vyavhaar karengey, bachchey ke mann ke anusaar usey koi gift aadi laakar dengey to bachcha padai mein interest lene lagega.
Yadi ussey daant-dapat karogey toh bachcha dar jayega aur padai se bhi darne lagega.
