Anonymous: Namaste guruji. Mai achanak youtube pe aapki and aapke students ki kuch videos dekhi aur bht interest ho gya vedas me.
Ek sawaal mujhe khaye jaa rha hai. Mai 7 years se doctori ki padhai krte hue ek ladke ke sath relationship me thi. Mujhe lagta tha ki hum me prem hai aur shaadi bhi hogi. Maine kbhi use cheat nhi kia but usne kia and usne ab rishta tod dia kehte hue ki uske mann me mere liye ab koi pyaar nahi bacha. Guruji,mere 5 Sawaal hai –
1) Jo mujse hua kya ye paap tha?
Swami Ram Swarup: Anonymous beti mera aapko bahut aashirwad. Jo pahla prashan hai aapka uska vedanusar uttar yahi hai ki yeh aap dono ka paap hi hua hai. Bhavishya ke liye beti awashya sawdhan raho. Pyar ki to yahi sthiti hai ki yadi kisi se sachcha pyar hota hai aur woh dono taraf se sachcha hai tab immediately marriage honi chahiye uske liye wait nahi kiya ja sakta aur pyar ke vishay mein turant maa baap ko bataya jata hai.
2) Agar meri arrange marriage ke liye rishta krte hai mere parents to kya us ladke ko past ke baare me And mai virgin nhi hu btana chahiye?
Swami Ram Swarup: Nahi beti past ke baare mein batana aajkal harmful ho sakta hai. Haan shadi se pahle batana chaho to bata sakte ho.
3)Ye jo Galti hui hai uski saza kya Hai?
Swami Ram Swarup: Anonymous beti saza to ishwar deta hai aur is saza ka gyan kisi ko bhi nahi hota. Haan saza dukhdayi hoti hai.
4) Kya mai ye galti sudhaar skti hu? Kaise.?
Swami Ram Swarup: Kyun nahi beti kyun nahi sudhar sakti, iske liye vedon mein prayshchit karne ko kaha hai. Prayshchit shabd ka arth hai ki Parmeshwar se prarthna karna ki hey Parmeshwar! jo yeh maine galti ki hai, paap kiya hai yeh ab main jindgi mein kabhi nahi karungi.
5) And thank you Mai vedo ke baare me aapse jaan rhi hu.
Swami Ram Swarup: Meri kuchh books vedon par likhi hain yadi aap unhe padengi to jarur gyan prapt hoga. Agar chahe to app apna postal address bhejkar pustak manga sakti hain. Mera aapko aashirwad beti.
