Harshit: Sabhi yogiyo rishiyo mha rishiyo ka guru kon hai?
Swami Ram Swarup: Srishti ke aarambh mein char rishiyon ke andar Ishwar kee samarthya se char ved prakat hote hain. Isliye in char Rishiyon jinke naam Agni, Vaayu, Aaditya, Angira hain ke guru swayam Parmeshwar hain. Char Rishiyon se Brahma ne gyan liya, Brahma ne aage gyan phailaya. Atah is parkar Brahma guru bane aur aage jo rishi bana usne jisko gyan diya woh rishi uska guru bana aur guru parampara se aaj bhi vedon kee shiksha prapt kee jaati hai.
Harshit: Harshit ke word meaning kiya hai?
Swami Ram Swarup: Yeh sadharann sa prahsn to aap swayam dictionary mein dekh sakte hain.
Kishor: Ramayan me Lov and Kush ke nana kon the?
Swami Ram Swarup: Aap Ramayan padein to pata chalega ki unke nana Raja Janak thei.
