Questions & Answers - March 30, 2017

Saraswat: Guruji sadar pranam.guruji jaap kisi bhi samay kia ja sakta hai ya subah shaam hi.guruji apse itna to acche se samajh aaya ki acche karm karne ka parinam sukh v bure karmo ka parinam dukh hota hai.per guruji shubh or ashubh karmo me vibhed kaise kare jaise aksar log kehte hai ki kanya ke vivah ke liye bola jhoot bhi satya hai ya kisi ki prano ki raksha karne ki liye bola jhoot jhoot nahi hai to ye karm subh honge ya ashubh.isi prakar koi apko mansik pareshani de to use sahen katna shubh karm hai ya virodh karna.virodh karne per baat aage badhegi hi.guruji bataye please ki subh karmo se kya tatparya hoga.guruji aap batate hai ki jyotish vidhya ka vedo me ullekh nahi hai to kya janam ke samay chand tare surya ki gati se vyakti ka vyaktitva prabhavit hota hoga.
Swami Ramswarup: My blessings to you, my daughter. Jaap kisi bhi samay kiya ja sakta hai parantu jaise Yog Shastra sutra mein kaha ki Ishwar ke naam ka jaap arth aur bhavna sahit karna chahiye isliye jaap karne kee poorna vidhi kisi bhi Vedic acharya se samajh lenee chahiyee. Kisi begunah ke prannon kee raksha ke liye bola jhooth to jhooth nahin hai athwa satya ko sthapit karne ke liye bola jhooth bhi jhooth nahin hai. Baaki sab jhooth hai. Vedic sadhna kee kami aur Vedic culture kee study kee kami ke karann hee mansik pareshaniyan utpann hotee hain anyatha jo marzi koi kuchh kahe- achchha kahe ya bura kahe uspar sadhak ka dhyan nahi jaata. Pratham to mansik pareshaniyon kee taraf dhyan hee na dein phir bhi yadi koi issey pidit hota hai to weh usey sahey na, uski uskee report police mein ya ghar mein sab jagah karey. Chand, sitaare, suraj aadi planets se vyakti ka vyaktitva prabhaavit hota hai. Jaise suraj kee kirnon se VitD milta hai. Chandrama kee rays se Vanaspati mein ras paida hota hai. Poornnima mein chandrama kee kiranon mein bhaithney se shareer aur skin aadi ke rog nashta hote hain etc. atah in planets kee Pooja karne ka vidhaan nahin hai.

Rashmi: Pujya Guruji Maharaaj, Pranaam evam charan sparsh, Guruji maharaaj is it possible to send the book on agni hotra, sandhya mantras with explanation in hindi (thin one), few copies. The lady who used to help me in house had expressed her desire to do the havan and asked for the book.
Swami Ramswarup: My heartiest blessings to you all, my daughter. Books are being sent to you beti.